bahs karne ki nahin hai mujhe aadat waiz

bahs karne kī nahīñ hai mujhe aadat vaa.iz

mai-o-māshūq haiñ mere liye jannat vaa.iz

duḳhtar-e-raz hī mirī rāhat-e-jāñ rūh-e-hayāt

is se mumkin nahīñ ho tark-e-mohabbat vaa.iz

bazm-e-rindāñ meñ tirā va.az hai ik fe.al-e-abas

kis ko fursat jo kare terī samā.at vaa.iz

aap jis ishq-e-butāñ ko haiñ gunah batlāte

vahī ziina hai pa-e-bām-e-haqīqat vaa.iz

us ko raġhbat tujhe nafrat hai mai aisī shai hai

baḳht-e-'tālib' vo hai ye hai terī qismat vaa.iz

bahs karne ki nahin hai mujhe aadat waiz

mai-o-mashuq hain mere liye jannat waiz

duKHtar-e-raz hi meri rahat-e-jaan ruh-e-hayat

is se mumkin nahin ho tark-e-mohabbat waiz

bazm-e-rindan mein tera waz hai ek feal-e-abas

kis ko fursat jo kare teri samaat waiz

aap jis ishq-e-butan ko hain gunah batlate

wahi zina hai pa-e-baam-e-haqiqat waiz

us ko raghbat tujhe nafrat hai mai aisi shai hai

baKHt-e-'talib' wo hai ye hai teri qismat waiz