bahut bar-e-garan ye zindagi malum hoti hai
bahut bār-e-garāñ ye zindagī ma.alūm hotī hai
ki ġham kā pesh-ḳhema har ḳhushī ma.alūm hotī hai
kisī se sarguzisht-e-ġham bayāñ kartā huuñ jab apnī
kahānī vo sarāsar aap kī ma.alūm hotī hai
hai mahrūmī sī mahrūmī to majbūrī sī majbūrī
ki har saa.at musībat meñ ghirī ma.alūm hotī hai
chalā huuñ jis pe ik muddat rahā huuñ āshnā jis se
vo manzil, rahguzar ab ajnabī ma.alūm hotī hai
kahāñ jā.ūñ maiñ ai 'ḳhushtar' kahūñ rūdād bhī kis se
ki jis ko dekhiye jaañ par banī ma.alūm hotī hai
bahut bar-e-garan ye zindagi malum hoti hai
ki gham ka pesh-KHema har KHushi malum hoti hai
kisi se sarguzisht-e-gham bayan karta hun jab apni
kahani wo sarasar aap ki malum hoti hai
hai mahrumi si mahrumi to majburi si majburi
ki har saat musibat mein ghiri malum hoti hai
chala hun jis pe ek muddat raha hun aashna jis se
wo manzil, rahguzar ab ajnabi malum hoti hai
kahan jaun main ai 'KHushtar' kahun rudad bhi kis se
ki jis ko dekhiye jaan par bani malum hoti hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
