بہت برباد ہوتا جا رہا ہے
بہت برباد ہوتا جا رہا ہے
یہ دل بغداد ہوتا جا رہا ہے
اسے جتنا بھلانا چاہتا ہوں
وہ اتنا یاد ہوتا جا رہا ہے
فصیل جاں مری مسمار کر کے
مری بنیاد ہوتا جا رہا ہے
یہ کیسا وقت ہے میرا ہی بیٹا
مرا استاد ہوتا جا رہا ہے
قریب اب آ رہی ہے میری منزل
سفر افتاد ہوتا جا رہا ہے
تمہاری قید میں ہے روح میری
بدن آزاد ہوتا جا رہا ہے
مری تسخیر ہوتی جا رہی ہے
سخن ایجاد ہوتا جا رہا ہے
غزل شیریں ہوئی جاتی ہے میری
ہنر فرہاد ہوتا جا رہا ہے
تمہاری یاد دل میں بس رہی ہے
کھنڈر آباد ہوتا جا رہا ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
