bahut bigDa hua hai dosto ghar ka nizam apna

bahut bigḌā huā hai dosto ghar kā nizām apnā

ye bas uupar hī uupar dekh lo sab Tiim Taam apnā

nahīñ detā na de ai sāqi-e-mahfil tū jaam apnā

yahāñ biiḌī ke adhdhoñ se bhī chal jaatā hai kaam apnā

nikalvāyā mujhe mahfil se dhakke de ke zālim ne

nazar aaya hai barsoñ baad ye aalī maqām apnā

ḳhudā ke vāste logo bachā lo apne bhārat ko

hamāre desh-bhaktoñ se kaho samjheñ maqām apnā

abhī kaḌkī meñ haiñ ahbāb katrā kar nikalte haiñ

jo din palTe to phir sab hī kareñge ehtirām apnā

tavāzo karte karte ek din vo ḳhud-kushī kar le

kisī ke ghar pe itne din na farmāo qiyām apnā

na chaa.e aa.ī na paan aa.e na vo aa.e yahāñ 'dilkash'

yahī ādāb-e-mahfil haiñ to mahfil ko salām apnā

bahut bigDa hua hai dosto ghar ka nizam apna

ye bas upar hi upar dekh lo sab Tim Tam apna

nahin deta na de ai saqi-e-mahfil tu jam apna

yahan biDi ke adhdhon se bhi chal jata hai kaam apna

nikalwaya mujhe mahfil se dhakke de ke zalim ne

nazar aaya hai barson baad ye aali maqam apna

KHuda ke waste logo bacha lo apne bhaarat ko

hamare desh-bhakton se kaho samjhen maqam apna

abhi kaDki mein hain ahbab katra kar nikalte hain

jo din palTe to phir sab hi karenge ehtiram apna

tawazo karte karte ek din wo KHud-kushi kar le

kisi ke ghar pe itne din na farmao qiyam apna

na chae aai na pan aae na wo aae yahan 'dilkash'

yahi aadab-e-mahfil hain to mahfil ko salam apna