bahut din ho gae dariya ki jaanib aa nahin pae

bahut din ho ga.e dariyā kī jānib aa nahīñ paa.e

parindo ḳhair se to ho ki par phailā nahīñ paa.e

ga.ī guzrī sahar shāmeñ magar vīrāna-e-jāñ meñ

khile kuchh phuul aise jo kabhī murjhā nahīñ paa.e

janāb ab zer-e-āb ārām se dekheñ achhūte ḳhvāb

jo in maTmailī āñkhoñ se to haq manvā nahīñ paa.e

barastī hai kabhī aag aur kabhī paanī umaDtā hai

magar ye haath haiñ jo āsmāñ tak jā nahīñ paa.e

ab is dil hī ko lo ārām kyoñ is ko nahīñ aatā

yahī to baat hai jo ham tumheñ samjhā nahīñ paa.e

bahut din ho gae dariya ki jaanib aa nahin pae

parindo KHair se to ho ki par phaila nahin pae

gai guzri sahar shamen magar virana-e-jaan mein

khile kuchh phul aise jo kabhi murjha nahin pae

janab ab zer-e-ab aaram se dekhen achhute KHwab

jo in maTmaili aankhon se to haq manwa nahin pae

barasti hai kabhi aag aur kabhi pani umaDta hai

magar ye hath hain jo aasman tak ja nahin pae

ab is dil hi ko lo aaram kyon is ko nahin aata

yahi to baat hai jo hum tumhein samjha nahin pae