bahut dushwar hai ab aaine se guftugu karna

bahut dushvār hai ab aa.ine se guftugū karnā

sazā se kam nahīñ hai ḳhud ko apne rū-ba-rū karnā

'ajab sīmābiyat hai in dinoñ apnī tabī'at meñ

ki jis ne baat kī hañs kar usī kī aarzū karnā

ibādat ke liye tat.hīr-e-dil kī bhī zarūrat hai

vuzū ke baa'd phir ashk-e-nadāmat se vuzū karnā

ye vasf-e-ḳhās hai kuchh aap se bā-vasf logoñ kā

hameñ aatā nahīñ hai aap ko lamhe meñ tū karnā

tirī fitrat meñ yuuñ musbat ishāre DhūñDtā huuñ maiñ

kisī sahrā ko jaise chāhtā huuñ aabjū karnā

bahut dushwar hai ab aaine se guftugu karna

saza se kam nahin hai KHud ko apne ru-ba-ru karna

'ajab simabiyat hai in dinon apni tabi'at mein

ki jis ne baat ki hans kar usi ki aarzu karna

ibaadat ke liye tathir-e-dil ki bhi zarurat hai

wuzu ke ba'd phir ashk-e-nadamat se wuzu karna

ye wasf-e-KHas hai kuchh aap se ba-wasf logon ka

hamein aata nahin hai aap ko lamhe mein tu karna

teri fitrat mein yun musbat ishaare DhunDta hun main

kisi sahra ko jaise chahta hun aabju karna