bahut ghuTan hai bahut iztirab hai maula
bahut ghuTan hai bahut iztirāb hai maulā
hamāre sar pe ye kaisā azaab hai maulā
sunā thā maiñ ne yahī din haiñ phuul khilne ke
mire liye to ye mausam ḳharāb hai maulā
koī batā.e hamārī samajh se bāhar hai
kise gunāh kaheñ kyā savāb hai maulā
azal se terī zamīñ par khaḌe haiñ tere ġhulām
saroñ pe un ke vahī āftāb hai maulā
gunāh jitne bhī mere haiñ sab shumār meñ haiñ
tirā karam to magar be-hisāb hai maulā
kuchh aur zillat-o-rusvā.iyāñ muqaddar hoñ
'shamīm' vaise bhī ḳhāna-ḳharāb hai maulā
bahut ghuTan hai bahut iztirab hai maula
hamare sar pe ye kaisa azab hai maula
suna tha main ne yahi din hain phul khilne ke
mere liye to ye mausam KHarab hai maula
koi batae hamari samajh se bahar hai
kise gunah kahen kya sawab hai maula
azal se teri zamin par khaDe hain tere ghulam
saron pe un ke wahi aaftab hai maula
gunah jitne bhi mere hain sab shumar mein hain
tera karam to magar be-hisab hai maula
kuchh aur zillat-o-ruswaiyan muqaddar hon
'shamim' waise bhi KHana-KHarab hai maula
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
