bahut hai ab meri aankhon ka aasman usko

bahut hai ab mirī āñkhoñ kā āsmāñ us ko

gayā vo daur ki thī fikr-e-āshiyāñ us ko

kiyā hai saltanat-e-dil pe hukmarāñ us ko

navāzishoñ kā salīqa magar kahāñ us ko

shigāf-e-zaḳhm jo merā na khul gayā hotā

to kaise miltī ye shamshīr-e-kahkashāñ us ko

jidhar bhī jaatā hai vo shola-e-bahār-sarisht

duā.eñ detā hai amboh-e-kushtgāñ us ko

ḳhud us kī apnī chamak ne surāġh us kā diyā

chhupāyā maiñ ne bahut zer-e-āb-e-jāñ us ko

samundar apnā sā muñh le ke rah ga.e 'ishrat'

kiyā tarāvash-e-shabnam ne be-karāñ us ko

bahut hai ab meri aankhon ka aasman us ko

gaya wo daur ki thi fikr-e-ashiyan us ko

kiya hai saltanat-e-dil pe hukmaran us ko

nawazishon ka saliqa magar kahan us ko

shigaf-e-zaKHm jo mera na khul gaya hota

to kaise milti ye shamshir-e-kahkashan us ko

jidhar bhi jata hai wo shola-e-bahaar-sarisht

duaen deta hai amboh-e-kushtgan us ko

KHud us ki apni chamak ne suragh us ka diya

chhupaya main ne bahut zer-e-ab-e-jaan us ko

samundar apna sa munh le ke rah gae 'ishrat'

kiya tarawash-e-shabnam ne be-karan us ko