bahut hi KHas kahna hai hamein ek aam ke bare

bahut hī ḳhaas kahnā hai hameñ ik aam ke baare

kareñge sub.h bāteñ ek biitī shaam ke baare

fusūñ hai ye nazar kī had hai saarā jhuuT niklā hai

jo tum kahte rahe the charḳh-e-nīlī-fām ke baare

mujhe bhī saath le lenā agar ho us taraf jaanā

mirī bhī raa.e le lenā jafā ke kaam ke baare

hameñ sikhlā sakeñge zindagī ke gur zamāne ko

sabhī āġhāz sīkhe haiñ kisī anjām ke baare

tumheñ bas ham se ulfat hai ye da.avā maan leñ lekin

tumheñ ham kyā batā.eñ apne har hañgām ke baare

garebāñ chaak niklegā na.ī rut meñ yahī pahle

suno muzhda tum apne lāla-e-gulfām ke baare

agar us kā ta.alluq hai faqat mujh se to ai qāsid

vo kyoñ tahqīq kartā hai tumhāre naam ke baare

bahut hi KHas kahna hai hamein ek aam ke bare

karenge subh baaten ek biti sham ke bare

fusun hai ye nazar ki had hai sara jhuT nikla hai

jo tum kahte rahe the charKH-e-nili-fam ke bare

mujhe bhi sath le lena agar ho us taraf jaana

meri bhi rae le lena jafa ke kaam ke bare

hamein sikhla sakenge zindagi ke gur zamane ko

sabhi aaghaz sikhe hain kisi anjam ke bare

tumhein bas hum se ulfat hai ye dawa man len lekin

tumhein hum kya bataen apne har hangam ke bare

gareban chaak niklega nai rut mein yahi pahle

suno muzhda tum apne lala-e-gulfam ke bare

agar us ka talluq hai faqat mujh se to ai qasid

wo kyon tahqiq karta hai tumhaare nam ke bare