bahut ho ya zara sa mangne do

bahut ho yā zarā sā māñgne do

mujhe bhī apnā hissa māñgne do

añdheroñ se agar laḌnā hai lāzim

to jugnū bhar ujālā māñgne do

bharam khul jā.egā us ke bharam kā

ḳhushī kā ek lamha māñgne do

ḳhudā kyā hai dikhā dūñgā tumheñ bhī

kisī patthar se chehra māñgne do

zarūrat hai mujhe bhī ham-safar kī

havā se ik bagūlā māñgne do

bahut nādān lagtā hai musāfir

use sahrā se dariyā māñgne do

'asar' mañjdhār meñ chaltā huuñ maiñ bhī

kahīñ se ek tinkā māñgne do

bahut ho ya zara sa mangne do

mujhe bhi apna hissa mangne do

andheron se agar laDna hai lazim

to jugnu bhar ujala mangne do

bharam khul jaega us ke bharam ka

KHushi ka ek lamha mangne do

KHuda kya hai dikha dunga tumhein bhi

kisi patthar se chehra mangne do

zarurat hai mujhe bhi ham-safar ki

hawa se ek bagula mangne do

bahut nadan lagta hai musafir

use sahra se dariya mangne do

'asar' manjdhaar mein chalta hun main bhi

kahin se ek tinka mangne do