bahut jumud hai tari koi KHayal zara

bahut jumūd hai taarī koī ḳhayāl zarā

nayā sā lafz mirī ḳhaak par uchhāl zarā

vo tū hī hai ki maiñ bikhrā huuñ sāmne jis ke

tū kam-nasīb nahīñ hai mujhe sambhāl zarā

bichhaḌte vaqt ye ḳhvāhish kahāñ thī nā-jā.ez

use bhī hotā hamārī tarah malāl zarā

nahīñ jo māntā ḳhud ko ki be-misāl hai tū

tū apne jaisī dikhā de koī misāl zarā

hañsī meñ Taal de phir se hamārī har ḳhvāhish

phir ek baar thapak de hamārā gaal zarā

maiñ ḳhud ko raakh na kar duuñ ye Dar satātā hai

hisār-e-jism se bāhar mujhe nikāl zarā

bahut jumud hai tari koi KHayal zara

naya sa lafz meri KHak par uchhaal zara

wo tu hi hai ki main bikhra hun samne jis ke

tu kam-nasib nahin hai mujhe sambhaal zara

bichhaDte waqt ye KHwahish kahan thi na-jaez

use bhi hota hamari tarah malal zara

nahin jo manta KHud ko ki be-misal hai tu

tu apne jaisi dikha de koi misal zara

hansi mein Tal de phir se hamari har KHwahish

phir ek bar thapak de hamara gal zara

main KHud ko rakh na kar dun ye Dar satata hai

hisar-e-jism se bahar mujhe nikal zara