bahut KHubiyan hain hawas-kar dil mein

bahut ḳhūbiyāñ haiñ havas-kār dil meñ

nayā shor machtā hai har baar dil meñ

badan ko kaso aur bas muskurā do

utar jaao ab āḳhirī baar dil meñ

abhī mere chehre kī rañgat alag thī

abhī ho rahī hai dhuāñ-dār dil meñ

na.e chāñd par ab ke sadqa kareñge

salāmat raheñ sab gul o ḳhaar dil meñ

hameñ rizq kī kuchh zarūrat paḌegī

duā pak rahī hai gunahgār dil meñ

azāneñ huiiñ sub.h raushan huī hai

chalo chal ke so.eñ isī yaar dil meñ

maiñ jaise hī us kī galī ko muḌā huuñ

na dil jeb meñ hai na dildār dil meñ

zamīñ kī chaTā.ī vo patthar kā takiya

ḳharīdār dil meñ na bāzār dil meñ

mahaktā subuk sā uḌā jā rahā huuñ

juTā hī liye saare aġhyār dil meñ

ise kuchh na hone kā kitnā yaqīñ hai

chhupā kar rakho ye kalā-kār dil meñ

'razā' āzmāyā huā hai purānā

chalo yaar ghar ko chalo yaar dil meñ

bahut KHubiyan hain hawas-kar dil mein

naya shor machta hai har bar dil mein

badan ko kaso aur bas muskura do

utar jao ab aaKHiri bar dil mein

abhi mere chehre ki rangat alag thi

abhi ho rahi hai dhuan-dar dil mein

nae chand par ab ke sadqa karenge

salamat rahen sab gul o KHar dil mein

hamein rizq ki kuchh zarurat paDegi

dua pak rahi hai gunahgar dil mein

azanen huin subh raushan hui hai

chalo chal ke soen isi yar dil mein

main jaise hi us ki gali ko muDa hun

na dil jeb mein hai na dildar dil mein

zamin ki chaTai wo patthar ka takiya

KHaridar dil mein na bazar dil mein

mahakta subuk sa uDa ja raha hun

juTa hi liye sare aghyar dil mein

ise kuchh na hone ka kitna yaqin hai

chhupa kar rakho ye kala-kar dil mein

'raza' aazmaya hua hai purana

chalo yar ghar ko chalo yar dil mein