bahut qarib tha par mehrban na tha mera

bahut qarīb thā par mehrbāñ na thā merā

bharī bahār meñ ik āshiyāñ na thā merā

labāda ruuh kā chhalnī thā jā-ba-jā lekin

mire qarīb koī mehrbāñ na thā merā

lahū meñ bahtā hai lekin ye ehtiyāt-e-junūñ

ki raaz dil kā nazar se 'ayāñ na thā merā

maiñ ḳhush-gumāñ jise jāgīr samjhe baiThī thī

ki dil pe us ke kahīñ bhī nishāñ na thā merā

vo dasht-e-zāt meñ bargad kā peḌ thā lekin

jhulastī dhuup meñ vo sā.ebāñ na thā merā

ye aur baat mire haal se thā nā-vāqif

maiñ kaise kah duuñ ki vo rāz-dāñ na thā merā

banā thā tark-e-ta'alluq kā jo sabab ai 'sabīn'

qasam ḳhudā kī vo hargiz bayāñ na thā merā

bahut qarib tha par mehrban na tha mera

bhari bahaar mein ek aashiyan na tha mera

labaada ruh ka chhalni tha ja-ba-ja lekin

mere qarib koi mehrban na tha mera

lahu mein bahta hai lekin ye ehtiyat-e-junun

ki raaz dil ka nazar se 'ayan na tha mera

main KHush-guman jise jagir samjhe baiThi thi

ki dil pe us ke kahin bhi nishan na tha mera

wo dasht-e-zat mein bargad ka peD tha lekin

jhulasti dhup mein wo saeban na tha mera

ye aur baat mere haal se tha na-waqif

main kaise kah dun ki wo raaz-dan na tha mera

bana tha tark-e-ta'alluq ka jo sabab ai 'sabin'

qasam KHuda ki wo hargiz bayan na tha mera