bahut raaz hain zindagi se bhi aage

bahut raaz haiñ zindagī se bhī aage

maqām aur nahīñ dostī se bhī aage

mareñ to mileñ zindagī ke ishāre

magar maut phir zindagī se bhī aage

bahut duur tak dab chale raushnī meñ

añdhere mile raushnī se bhī aage

na apnā pata hai na un kī ḳhabar hai

kahāñ aa ga.e be-ḳhudī se bhī aage

na ehsās-e-mālik na ehsās-e-ḳhidmat

maqām aa gayā bandagī se bhī aage

nazar jam ga.ī rū-e-tābāñ pe āḳhir

hai kuchh aur nazzārgī se bhī aage

ibādat ke lākhoñ tarīqe haiñ lekin

huā ne koī zindagī se bhī aage

koī devtā ho koī ho farishta

chalā ne koī aadmī se bhī aage

huā saaf dil to ye āvāz aa.ī

gayā 'shauq' ab rāstī se bhī aage

ġham-e-zindagī meñ sukūñ mil gayā hai

nikal aa.e dil kī lagī se bhī aage

bahut raaz hain zindagi se bhi aage

maqam aur nahin dosti se bhi aage

maren to milen zindagi ke ishaare

magar maut phir zindagi se bhi aage

bahut dur tak dab chale raushni mein

andhere mile raushni se bhi aage

na apna pata hai na un ki KHabar hai

kahan aa gae be-KHudi se bhi aage

na ehsas-e-malik na ehsas-e-KHidmat

maqam aa gaya bandagi se bhi aage

nazar jam gai ru-e-taban pe aaKHir

hai kuchh aur nazzargi se bhi aage

ibaadat ke lakhon tariqe hain lekin

hua ne koi zindagi se bhi aage

koi dewta ho koi ho farishta

chala ne koi aadmi se bhi aage

hua saf dil to ye aawaz aai

gaya 'shauq' ab rasti se bhi aage

gham-e-zindagi mein sukun mil gaya hai

nikal aae dil ki lagi se bhi aage