bahut raushan hum apna nayyar-e-taqdir dekhenge

bahut raushan ham apnā nayyar-e-taqdīr dekheñge

jab āġhosh-e-tasavvur meñ tirī tasvīr dekheñge

harīm-e-dil ke girdā-gird vo tanvīr dekheñge

jalāl-e-mehr-e-anvar ko bhī be-tauqīr dekheñge

nigāh-e-dil se jis din usva-e-shabbīr dekheñge

ḳhalīlullāh apne ḳhvāb kī ta.abīr dekheñge

junūn-e-ishq ke ilzām meñ ai ḳhush-navā qumrī

gale meñ tū ne dekhā tauq ham zanjīr dekheñge

alam ho rañj ho ġham ho balā ho shādmānī ho

jo tū ne likh diyā ai kātib-e-taqdīr dekheñge

ḳhudā kī raah meñ sab kuchh luTā kar baiThne vaale

ḳhudā kī kul ḳhudā.ī apnī hī jāgīr dekheñge

mirā a.amāl-nāme dhul gayā ashk-e-nadāmat se

farishte kyā kareñge kuchh na jab tahrīr dekheñge

sitam-gāroñ ko mil jā.egā apne zulm kā badla

kabhī āh-e-ġharībāñ ko na be-tāsīr dekheñge

mohabbat hī binā ai 'barq' hai taḳhlīq aalam kī

mohabbat hī ko har aalam meñ ālam-gīr dekheñge

bahut raushan hum apna nayyar-e-taqdir dekhenge

jab aaghosh-e-tasawwur mein teri taswir dekhenge

harim-e-dil ke girda-gird wo tanwir dekhenge

jalal-e-mehr-e-anwar ko bhi be-tauqir dekhenge

nigah-e-dil se jis din uswa-e-shabbir dekhenge

KHalilullah apne KHwab ki tabir dekhenge

junun-e-ishq ke ilzam mein ai KHush-nawa qumri

gale mein tu ne dekha tauq hum zanjir dekhenge

alam ho ranj ho gham ho bala ho shadmani ho

jo tu ne likh diya ai katib-e-taqdir dekhenge

KHuda ki rah mein sab kuchh luTa kar baiThne wale

KHuda ki kul KHudai apni hi jagir dekhenge

mera aamal-name dhul gaya ashk-e-nadamat se

farishte kya karenge kuchh na jab tahrir dekhenge

sitam-garon ko mil jaega apne zulm ka badla

kabhi aah-e-ghariban ko na be-tasir dekhenge

mohabbat hi bina ai 'barq' hai taKHliq aalam ki

mohabbat hi ko har aalam mein aalam-gir dekhenge