aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

bahut se dard the par KHud ko joD kar rakkha

Syed Kashif Raza

bahut se dard the par KHud ko joD kar rakkha

Syed Kashif Raza

MORE BYSyed Kashif Raza

    bahut se dard the par ḳhud ko joḌ kar rakkhā

    vo maiñ ki ātish o aahan meñ jis ne sar rakkhā

    maiñ vo huuñ jis ne ta.āqub meñ apne maut rakhī

    aur apne sar ko sadā us maar par rakkhā

    nashāt o fat.h mirī dastaras meñ the lekin

    kitāb-e-umr meñ dukh-dard besh-tar rakkhā

    mile hue the mujhe chāhatoñ ke dar kitne

    magar maiñ vo ki havāoñ pe mustaqar rakkhā

    bahut se log mire vāste the dast-kushā

    magar nazar meñ tirā dayār-o-dar rakkhā

    kabhī huī nahīñ mujh ko be-gharī mahsūs

    ḳhud apne paañv pe jab se hai apnā ghar rakkhā

    gavāh haiñ mire misroñ ke bast-o-dar 'kāshif'

    chunā jo harf use kar ke bārvar rakkhā

    bahut se dard the par KHud ko joD kar rakkha

    wo main ki aatish o aahan mein jis ne sar rakkha

    main wo hun jis ne taaqub mein apne maut rakhi

    aur apne sar ko sada us ki mar par rakkha

    nashat o fath meri dastaras mein the lekin

    kitab-e-umr mein dukh-dard besh-tar rakkha

    mile hue the mujhe chahaton ke dar kitne

    magar main wo ki hawaon pe mustaqar rakkha

    bahut se log mere waste the dast-kusha

    magar nazar mein tera hi dayar-o-dar rakkha

    kabhi hui hi nahin mujh ko be-ghari mahsus

    KHud apne panw pe jab se hai apna ghar rakkha

    gawah hain mere misron ke bast-o-dar 'kashif'

    chuna jo harf use kar ke barwar rakkha

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now