bahut sukun se dil mein basa ke le aae

bahut sukūn se dil meñ basā ke le aa.e

ham aaj un ko unhīñ se churā ke le aa.e

vo vaar karte rahe muskurā ke nazroñ kā

ham apnī jaan salāmat bachā ke le aa.e

hameñ ḳhabar thī ki ā.īne kī tarah hai vo dil

thā pattharoñ meñ magar ham uThā ke le aa.e

savāl ye thā ki sābit karo vafādārī

to ham hathelī pe ye sar sajā ke le aa.e

jahāñ har ek taraf kufr kufr phailā thā

ki ham vahāñ se bhī īmāñ bachā ke le aa.e

ab us ke haath meñ hai faisla 'sharar-naqvī'

ġhazal ke sheroñ ko ham dil banā ke le aa.e

bahut sukun se dil mein basa ke le aae

hum aaj un ko unhin se chura ke le aae

wo war karte rahe muskura ke nazron ka

hum apni jaan salamat bacha ke le aae

hamein KHabar thi ki aaine ki tarah hai wo dil

tha pattharon mein magar hum uTha ke le aae

sawal ye tha ki sabit karo wafadari

to hum hatheli pe ye sar saja ke le aae

jahan har ek taraf kufr kufr phaila tha

ki hum wahan se bhi iman bacha ke le aae

ab us ke hath mein hai faisla 'sharar-naqwi'

ghazal ke sheron ko hum dil bana ke le aae