baKHsh di haal-e-zabun ne jalwa-samani mujhe

baḳhsh dī hāl-e-zabūñ ne jalva-sāmānī mujhe

kaash mil jaa.e zamāne kī pareshānī mujhe

ai nigāh-e-dost ai sarmāya-dār-e-be-ḳhudī

hosh aatā hai to hotī hai pareshānī mujhe

khul chukā haañ khul chukā dil par tirā rañgīñ fareb

de na dhokā ai tilism-e-hasti-e-fānī mujhe

phir na sābit ho kahīñ nañg-e-bayābāñ jism-e-rāz

soch kar karnā junūñ maa.il ye uryānī mujhe

muntahā-e-zauq-e-sajda ye ki ik fareb

kufr tak le aa.ī takmīl-e-musalmānī mujhe

manziloñ 'ehsān' pīchhe rah ga.e dair o haram

le chalā jaane kahāñ sailāb-e-hairanī mujhe

baKHsh di haal-e-zabun ne jalwa-samani mujhe

kash mil jae zamane ki pareshani mujhe

ai nigah-e-dost ai sarmaya-dar-e-be-KHudi

hosh aata hai to hoti hai pareshani mujhe

khul chuka han khul chuka dil par tera rangin fareb

de na dhoka ai tilism-e-hasti-e-fani mujhe

phir na sabit ho kahin nang-e-bayaban jism-e-raaz

soch kar karna junun mail ye uryani mujhe

muntaha-e-zauq-e-sajda ye ki ek fareb

kufr tak le aai takmil-e-musalmani mujhe

manzilon 'ehsan' pichhe rah gae dair o haram

le chala jaane kahan sailab-e-hairani mujhe