baKHshi hai kaif-e-ishq ne wo be-KHudi mujhe

baḳhshī hai kaif-e-ishq ne vo be-ḳhudī mujhe

maiñ zindagī ko bhuul gayā zindagī mujhe

daur-e-falak pe jab kabhī aa.ī hañsī mujhe

ālām-e-rozgār ne āvāz dī mujhe

tere ḳhayāl se hai vo dil-bastagī mujhe

hasrat hī ab nahīñ tire dīdār kī mujhe

ai marg-e-ishq terī navāzish kā shukriya

duniyā kī talḳhiyoñ se farāġhat milī mujhe

har shai se be-niyāz hai merā dil-e-hazīñ

tum kyā mile ki mil ga.e kaunain bhī mujhe

kal tak jo teġh tishna-e-ḳhūn-e-adū rahī

aaj us kī pyaas ḳhud hī bujhānī paḌī mujhe

faizān-e-vārsī se 'azīz'-e-jahāñ huuñ maiñ

sab kuchh hai ek silsila-e-vārsī mujhe

baKHshi hai kaif-e-ishq ne wo be-KHudi mujhe

main zindagi ko bhul gaya zindagi mujhe

daur-e-falak pe jab kabhi aai hansi mujhe

aalam-e-rozgar ne aawaz di mujhe

tere KHayal se hai wo dil-bastagi mujhe

hasrat hi ab nahin tere didar ki mujhe

ai marg-e-ishq teri nawazish ka shukriya

duniya ki talKHiyon se faraghat mili mujhe

har shai se be-niyaz hai mera dil-e-hazin

tum kya mile ki mil gae kaunain bhi mujhe

kal tak jo tegh tishna-e-KHun-e-adu rahi

aaj us ki pyas KHud hi bujhani paDi mujhe

faizan-e-warsi se 'aziz'-e-jahan hun main

sab kuchh hai ek silsila-e-warsi mujhe