baKHt jage to jahan-dida si ho jati hai
baḳht jaage to jahāñ-dīda sī ho jaatī hai
shaḳhsiyat aur bhī sanjīda sī ho jaatī hai
go hama-vaqt na.ī lagtī hai duniyā lekin
shai purānī ho to bosīda sī ho jaatī hai
kaun hai vo ki jise muuñd luuñ āñkheñ dekhūñ
aañkh khul jaa.e to poshīda sī ho jaatī hai
khel hī khel meñ laḌkī vo sharārat vaalī
baat hī baat meñ sanjīda sī ho jaatī hai
maiñ vo aazar na tarāshūñ koī mūrat lekin
jis ko chhū luuñ vo tarāshīda sī ho jaatī hai
yaad aate haiñ mujhe 'mīr' ke ash.ār 'zafar'
jab tabī.at mirī ranjīda sī ho jaatī hai
baKHt jage to jahan-dida si ho jati hai
shaKHsiyat aur bhi sanjida si ho jati hai
go hama-waqt nai lagti hai duniya lekin
shai purani ho to bosida si ho jati hai
kaun hai wo ki jise mund lun aankhen dekhun
aankh khul jae to poshida si ho jati hai
khel hi khel mein laDki wo shararat wali
baat hi baat mein sanjida si ho jati hai
main wo aazar na tarashun koi murat lekin
jis ko chhu lun wo tarashida si ho jati hai
yaad aate hain mujhe 'mir' ke ashaar 'zafar'
jab tabiat meri ranjida si ho jati hai
- Book : Nawa-e-harf-e-khamoosh (Pg. 113)
- Author : Zafar Kaleem
- Publication : Zafar Kaleem (2007)
- Edition : 2007
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
