bala se ho sham ki siyahi kahin to manzil meri milegi
balā se ho shaam kī siyāhī kahīñ to manzil mirī milegī
udhar añdhere meñ chal paḌūñgā jidhar mujhe raushnī milegī
hujūm-e-mahshar meñ kaisā milnā nazar-farebī baḌī milegī
kisī se sūrat tirī milegī kisī se sūrat mirī milegī
tumhārī furqat meñ tañg aa kar ye marne vāloñ kā faisla hai
qazā se jo ham-kanār hogā use na.ī zindagī milegī
qafas se jab chhuT ke jā.eñge ham to sab mileñge ba-juz-nasheman
chaman kā ek ek gul milegā chaman kī ik ik kalī milegī
tumhārī furqat meñ kyā milegā tumhāre milne se kyā milegā
'qamar' ke hoñge hazār-hā ġham raqīb ko ik ḳhushī milegī
bala se ho sham ki siyahi kahin to manzil meri milegi
udhar andhere mein chal paDunga jidhar mujhe raushni milegi
hujum-e-mahshar mein kaisa milna nazar-farebi baDi milegi
kisi se surat teri milegi kisi se surat meri milegi
tumhaari furqat mein tang aa kar ye marne walon ka faisla hai
qaza se jo ham-kanar hoga use nai zindagi milegi
qafas se jab chhuT ke jaenge hum to sab milenge ba-juz-nasheman
chaman ka ek ek gul milega chaman ki ek ek kali milegi
tumhaari furqat mein kya milega tumhaare milne se kya milega
'qamar' ke honge hazar-ha gham raqib ko ek KHushi milegi
- Book : Auj-Qamar (Pg. 120)
- Author : Ustad Sayed Mohd. Hussain Qamar Jalalvi
- Publication : Shaikh Shokat Ali And Sons (1952)
- Edition : 1952
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
