ballimaran se nikla ghaalib

ballimārān se niklā 'ġhālib'

apne dīvān se niklā 'ġhālib'

paḌh ke ash.ār kahe ye 'momin'

ab to īmān se niklā 'ġhālib'

shahr-e-dehlī ho ki darbār-e-'zafar'

har jagah shaan se niklā 'ġhālib'

nukta-chīñ log haiñ kuchh bhī kah leñ

apnī pahchān se niklā 'ġhālib'

mushkil-e-jāñ se hī laḌte laḌte

ek din jaan se niklā 'ġhālib'

bartarī ilm pe ġham ko de kar

ġham ke ehsān se niklā 'ġhālib'

ḳhidmat-e-sher-o-suḳhan ko 'rāshid'

puure jī-jān se niklā 'ġhālib'

ballimaran se nikla 'ghaalib'

apne diwan se nikla 'ghaalib'

paDh ke ashaar kahe ye 'momin'

ab to iman se nikla 'ghaalib'

shahr-e-dehli ho ki darbar-e-'zafar'

har jagah shan se nikla 'ghaalib'

nukta-chin log hain kuchh bhi kah len

apni pahchan se nikla 'ghaalib'

mushkil-e-jaan se hi laDte laDte

ek din jaan se nikla 'ghaalib'

bartari ilm pe gham ko de kar

gham ke ehsan se nikla 'ghaalib'

KHidmat-e-sher-o-suKHan ko 'rashid'

pure ji-jaan se nikla 'ghaalib'