ban gain chhuriyan adaen naz KHanjar ho gaya

ban ga.iiñ chhuriyāñ adā.eñ naaz ḳhanjar ho gayā

jaan kā dushman har ik andāz-e-dilbar ho gayā

jalvā-e-be-tāb jab parde se bāhar ho gayā

arsa-gāh-e-ḳhalq ik maidān-e-mahshar ho gayā

but ḳhafā ho kar ga.e ehsān mujh par ho gayā

ya.anī ab ye dil faqat allāh kā ghar ho gayā

ab satā.egā mujhe kyā iztirāb-e-zindagī

ab to ye dil ranj-e-nākāmī kā ḳhūgar ho gayā

valvala thā manzil-e-ulfat meñ shauq-e-dil ke saath

ek ne himmat dilā.ī ek rahbar ho gayā

jalva-gāh-e-nāz kī ushshāq se zīnat baḌhī

ye hujūm-e-ahl-e-dīd ik husn-e-manzar ho gayā

nafs par qaabū agar paayā to sab kuchh pā liyā

jiit us kī hai ki jis se vo musaḳhḳhar ho gayā

qīmat-e-mai ho ga.ī 'ḳhushtar' hamārī zindagī

jo hamāre paas thā sab nazr-e-sāġhar ho gayā

ban gain chhuriyan adaen naz KHanjar ho gaya

jaan ka dushman har ek andaz-e-dilbar ho gaya

jalwa-e-be-tab jab parde se bahar ho gaya

arsa-gah-e-KHalq ek maidan-e-mahshar ho gaya

but KHafa ho kar gae ehsan mujh par ho gaya

yani ab ye dil faqat allah ka ghar ho gaya

ab sataega mujhe kya iztirab-e-zindagi

ab to ye dil ranj-e-nakaami ka KHugar ho gaya

walwala tha manzil-e-ulfat mein shauq-e-dil ke sath

ek ne himmat dilai ek rahbar ho gaya

jalwa-gah-e-naz ki ushshaq se zinat baDhi

ye hujum-e-ahl-e-did ek husn-e-manzar ho gaya

nafs par qabu agar paya to sab kuchh pa liya

jit us ki hai ki jis se wo musaKHKHar ho gaya

qimat-e-mai ho gai 'KHushtar' hamari zindagi

jo hamare pas tha sab nazr-e-saghar ho gaya