بن کے اب جو شریف بیٹھا ہے

بن کے اب جو شریف بیٹھا ہے

دل میں اس کے بھی تھیف بیٹھا ہے

یہ جو اچھا ہوا مرے دل میں

ایک ذوق لطیف بیٹھا ہے

روح کی پاک و صاف مسند پر

جسم لے کر کثیف بیٹھا ہے

دل کے حجرے میں ایک مدت سے

کوئی سایہ نحیف بیٹھا ہے

میرے دل کے حسیں ادارے کا

آج بن کر وہ چیف بیٹھا ہے

دل تو بیٹھا ہے اس طرح گویا

جیسے کوئی ضعیف بیٹھا ہے

قافیے کے نحیف کندھے پر

کون لے کر ردیف بیٹھا ہے

دیکھ کر آئنہ یہ لگتا ہے

مجھ میں میرا حریف بیٹھا ہے

ان دنوں جھوٹ کے شکنجے میں

دب کے انور حنیفؔ بیٹھا ہے