bana hun main aaj tera mehman koi adu ko KHabar na kar de
bana hun main aaj tera mehman koi adu ko KHabar na kar de
Qateel Shifai
MORE BYQateel Shifai
banā huuñ maiñ aaj terā mehmāñ koī adū ko ḳhabar na kar de
uThā ke vo terī anjuman se kahīñ mujhe dar-ba-dar na kar de
ye vasl kī raat hai ḳhudārā naqāb chehre se mat haTāo
tumhāre chehre kā ye ujālā sahar se pahle sahar na kar de
qasam jise zabt-e-ġham kī de kar uThā diyā apne dar se tū ne
kahīñ vo dīvāna umr apnī baġhair tere basar na kar de
baḌe maze se maiñ pī rahā huuñ mirī taraf tum abhī na dekho
mujhe ye Dar hai nazar tumhārī sharāb ko be-asar na kar de
satāyā jis ko hamesha tū ne sadā akelā jo chhup ke royā
vo dil-jalā apne āñsuoñ se tumhārā dāman bhī tar na kar de
'qatīl' ye vasl ke zamāne hasīn bhī haiñ tavīl bhī haiñ
magar lagā hai ye dil ko dhaḌkā inheñ koī muḳhtasar na kar de
bana hun main aaj tera mehman koi adu ko KHabar na kar de
uTha ke wo teri anjuman se kahin mujhe dar-ba-dar na kar de
ye wasl ki raat hai KHudara naqab chehre se mat haTao
tumhaare chehre ka ye ujala sahar se pahle sahar na kar de
qasam jise zabt-e-gham ki de kar uTha diya apne dar se tu ne
kahin wo diwana umr apni baghair tere basar na kar de
baDe maze se main pi raha hun meri taraf tum abhi na dekho
mujhe ye Dar hai nazar tumhaari sharab ko be-asar na kar de
sataya jis ko hamesha tu ne sada akela jo chhup ke roya
wo dil-jala apne aansuon se tumhaara daman bhi tar na kar de
'qatil' ye wasl ke zamane hasin bhi hain tawil bhi hain
magar laga hai ye dil ko dhaDka inhen koi muKHtasar na kar de
- Book : Kalam Qateel Shifai (Pg. 149)
- Author : Qateel Shifai
- Publication : Farid Book Depot Pvt. Ltd (2011)
- Edition : 2011
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
