bana raha tha koi aab o KHak se kuchh aur
banā rahā thā koī aab o ḳhaak se kuchh aur
uThā liyā phir achānak hī chaak se kuchh aur
jalā ke baiTh gayā maiñ vo āḳhirī tasvīr
to naqsh ubharne lage us kī raakh se kuchh aur
bas apne aap se kuchh der ham-kalām raho
nahīñ hai fā.eda hijr o firāq se kuchh aur
hamārī faal hamāre hī haath se niklī
banā hai zā.icha par ittifāq se kuchh aur
vahī sitāra-numā ik charāġh hai 'āzar'
mirā ḳhayāl thā niklegā taaq se kuchh aur
bana raha tha koi aab o KHak se kuchh aur
uTha liya phir achanak hi chaak se kuchh aur
jala ke baiTh gaya main wo aaKHiri taswir
to naqsh ubharne lage us ki rakh se kuchh aur
bas apne aap se kuchh der ham-kalam raho
nahin hai faeda hijr o firaq se kuchh aur
hamari fal hamare hi hath se nikli
bana hai zaicha par ittifaq se kuchh aur
wahi sitara-numa ek charagh hai 'azar'
mera KHayal tha niklega taq se kuchh aur
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
