banae hazrat-e-insan ne is din ke kai madfan

banā.e hazrat-e-insāñ ne is diiñ ke ka.ī madfan

milī munkar ko āzādī lage mārūf par qadġhan

hue haiñ mimbar-o-mehrāb hī tafrīq ke markaz

zabānoñ ne pahan rakkhī hai ḳhasta-hāl sī utran

mulūkiyyat ibārat ḳhuun se aahoñ se ashkoñ se

hukūmat ke añdheroñ ko ḳhilāfat hī kare raushan

tujhe thā faḳhr ki sho.aloñ pe terī hukmrānī hai

magar ye dekh chingārī jalātī hai tirā ḳhirman

in arbāb-e-hukūmat kā koī rishta hai qātil se

vatan se jab vo nikle kūcha-e-qātil banā maskan

ḳhushī thī un ko ye uftād un par to nahīñ guzrī

haTī chilman to paa.ī hai vahī āñdhī lab-e-rauzan

yahī hai minhaj-e-nabvī yahī kār-e-nubuvvat hai

ki insāñ kī ġhulāmī se rahe āzād har gardan

umīdeñ justujū ḳhvāb-o-tamanna kī haqīqat kyā

agar tū be-amal be-hausla phir ye bhī sar-afgan

ai 'tābish' tū nifāz-e-hukm-e-rabbānī agar chāhe

to ho āġhāz hukamā se tarīqa hai yahī ahsan

banae hazrat-e-insan ne is din ke kai madfan

mili munkar ko aazadi lage maruf par qadghan

hue hain mimbar-o-mehrab hi tafriq ke markaz

zabanon ne pahan rakkhi hai KHasta-haal si utran

mulukiyyat ibarat KHun se aahon se ashkon se

hukumat ke andheron ko KHilafat hi kare raushan

tujhe tha faKHr ki shoalon pe teri hukmrani hai

magar ye dekh chingari jalati hai tera KHirman

in arbab-e-hukumat ka koi rishta hai qatil se

watan se jab wo nikle kucha-e-qatil bana maskan

KHushi thi un ko ye uftad un par to nahin guzri

haTi chilman to pai hai wahi aandhi lab-e-rauzan

yahi hai minhaj-e-nabwi yahi kar-e-nubuwwat hai

ki insan ki ghulami se rahe aazad har gardan

umiden justuju KHwab-o-tamanna ki haqiqat kya

agar tu be-amal be-hausla phir ye bhi sar-afgan

ai 'tabish' tu nifaz-e-hukm-e-rabbani agar chahe

to ho aaghaz hukama se tariqa hai yahi ahsan