banae zehn parindon ki ye qatar mera

banā.e zehn parindoñ kī ye qatār mirā

isī nazāre se kuchh kam ho intishār mirā

jo maiñ bhī aag meñ hijrat kā tajraba kartā

muhājiroñ hī meñ hotā vahāñ shumār mirā

phir apnī āñkheñ sajā.e hue maiñ ghar aayā

safar ik aur rahā ab ke ḳhush-gavār mirā

tamām umr to ḳhvāboñ meñ kaT nahīñ saktī

bahut dinoñ to kiyā us ne intizār mirā

ye merā shahr mirī ḳhāmiyoñ se vāqif hai

yahāñ kisī ko na aa.egā e'tibār mirā

ye log sirf mirī zindagī ke dushman haiñ

mujassama ye banā.eñge shāndār mirā

mirī bisāt se 'az.har' bahut ziyāda thiiñ

tavaqquāt jo rakhtā thā mujh se yaar mirā

banae zehn parindon ki ye qatar mera

isi nazare se kuchh kam ho intishaar mera

jo main bhi aag mein hijrat ka tajraba karta

muhajiron hi mein hota wahan shumar mera

phir apni aankhen sajae hue main ghar aaya

safar ek aur raha ab ke KHush-gawar mera

tamam umr to KHwabon mein kaT nahin sakti

bahut dinon to kiya us ne intizar mera

ye mera shahr meri KHamiyon se waqif hai

yahan kisi ko na aaega e'tibar mera

ye log sirf meri zindagi ke dushman hain

mujassama ye banaenge shandar mera

meri bisat se 'azhar' bahut ziyaada thin

tawaqquat jo rakhta tha mujh se yar mera