banate nahin hain jo kirdar apne

banāte nahīñ haiñ jo kirdār apne

hamesha vo rahte haiñ sab ḳhvār apne

ḳhulūs-o-mohabbat diloñ meñ nahīñ hai

haiñ matlab ke sab hī talabgār apne

jinheñ ham ne rokā bure rāste se

vahī ho ga.e ham se bezār apne

nazar rakhte haiñ dūsroñ ke 'amal par

nahīñ dekhte haiñ vo kirdār apne

jo derīna the āshnā vo kahāñ haiñ

sabhī ho ga.e gum vafādār apne

vo DhūñDe se bhī ab to milte nahīñ haiñ

kahāñ jā chuke haiñ vo ġham-ḳhvār apne

dukhoñ meñ ai 'bāsir' jo dete nahīñ saath

haiñ duniyā meñ sab hī vo bekār apne

banate nahin hain jo kirdar apne

hamesha wo rahte hain sab KHwar apne

KHulus-o-mohabbat dilon mein nahin hai

hain matlab ke sab hi talabgar apne

jinhen hum ne roka bure raste se

wahi ho gae hum se bezar apne

nazar rakhte hain dusron ke 'amal par

nahin dekhte hain wo kirdar apne

jo derina the aashna wo kahan hain

sabhi ho gae gum wafadar apne

wo DhunDe se bhi ab to milte nahin hain

kahan ja chuke hain wo gham-KHwar apne

dukhon mein ai 'basir' jo dete nahin sath

hain duniya mein sab hi wo bekar apne