بند ہے قسمت کا دروازہ دستک آئی کھڑکی سے

بند ہے قسمت کا دروازہ دستک آئی کھڑکی سے

چاندنی آئی چاند سے ملنے اور مسکائی کھڑکی سے

سونے دل میں دھوم مچی ہے خوشیوں کی بارات سجی

مجھ سے ملنے وہ آئے ہیں آہٹ پائی کھڑکی سے

جھیل کی جیسی ان آنکھوں کو چومنے کا دل کرتا ہے

دل کے آنگن میں جانے کی راہ بنائی کھڑکی سے

دن کا سورج رات کو نکلا موسم بھی بدلا بدلا

دھوپ نے اپنا ہاتھ بڑھا کر نیند چرائی کھڑکی سے

کاغذ کے دو پھول کھلے ہیں خوشبو پھیلی کمرے میں

نازؔ بہاروں کی یہ رت بھی پھاند کے آئی کھڑکی سے