band rakhta hun bas ye jaan ke munh

band rakhtā huuñ bas ye jaan ke muñh

kabhī lagiye na bad-zabān ke muñh

taab kis ko hai tiir khāne kī

kaun aa.e chaḌhī kamān ke muñh

mujh ko kyā kyā gumāñ guzartā hai

paas laate haiñ jab vo kaan ke muñh

mast-e-mai se ulajh na ai gardūñ

buDDhe aatā hai kyuuñ javān ke muñh

pahle vo jhuk ke baat karte the

ab chaḌhāte haiñ siina taan ke muñh

chhāpe sandal ke lag ga.e āḳhir

do-zabānī se mehrbān ke muñh

laal ho kar mirī talab pe kahā

pahle qābil banāo paan ke muñh

aap kā hukm sun ke lauT aayā

kaise lagtā maiñ pāsbān ke muñh

aaj 'fārūq' faisla ho jaa.e

kholtā huuñ ye dil meñ Thaan ke muñh

band rakhta hun bas ye jaan ke munh

kabhi lagiye na bad-zaban ke munh

tab kis ko hai tir khane ki

kaun aae chaDhi kaman ke munh

mujh ko kya kya guman guzarta hai

pas late hain jab wo kan ke munh

mast-e-mai se ulajh na ai gardun

buDDhe aata hai kyun jawan ke munh

pahle wo jhuk ke baat karte the

ab chaDhate hain sina tan ke munh

chhape sandal ke lag gae aaKHir

do-zabani se mehrban ke munh

lal ho kar meri talab pe kaha

pahle qabil banao pan ke munh

aap ka hukm sun ke lauT aaya

kaise lagta main pasban ke munh

aaj 'faruq' faisla ho jae

kholta hun ye dil mein Than ke munh