banda ab na-subur hota hai

banda ab nā-subūr hotā hai

afv hove qusūr hotā hai

vo zamīñ par qadam nahīñ rakhte

husn kā kyā ġhurūr hotā hai

daulat husn ke luTāne meñ

ḳharch kyā ai huzūr hotā hai

surma āñkhoñ meñ vo lagāte haiñ

dekhiye kyā futūr hotā hai

ham haiñ majbūr aap haiñ muḳhtār

kahiye kis se qusūr hotā hai

saaya us āftāb-tal.at kā

dīda-e-mah kā nuur hotā hai

ḳhaak hāsil hai us se murdoñ ko

zar jo sarf-e-qubūr hotā hai

mai-kashoñ meñ mudām ai zāhid

nāra-e-yā-ġhafūr hotā hai

vasl ho Tāliye na bose par

is se kyā ai huzūr hotā hai

fikr rakhte nahīñ haiñ dīvāne

bā.is-e-ġham shu.ūr hotā hai

partav-e-ruḳh se un kā jeb-e-qabā

dāman-e-koh-e-tūr hotā hai

ḳhuub āshiq kā paas karte ho

har ghaḌī duur duur hotā hai

ek hī nuur kā zamāne meñ

sau tarah se zuhūr hotā hai

mujh ko nāhaq halāl karte hai

ḳhuun ye be-qusūr hotā hai

kashtī-e-mai chalī to ai saaqī

bahr-e-ġham se ubuur hotā hai

ai 'sabā' jab bahār aatī hai

ham ko saudā zarūr hotā hai

banda ab na-subur hota hai

afw howe qusur hota hai

wo zamin par qadam nahin rakhte

husn ka kya ghurur hota hai

daulat husn ke luTane mein

KHarch kya ai huzur hota hai

surma aankhon mein wo lagate hain

dekhiye kya futur hota hai

hum hain majbur aap hain muKHtar

kahiye kis se qusur hota hai

saya us aaftab-talat ka

dida-e-mah ka nur hota hai

KHak hasil hai us se murdon ko

zar jo sarf-e-qubur hota hai

mai-kashon mein mudam ai zahid

nara-e-ya-ghafur hota hai

wasl ho Taliye na bose par

is se kya ai huzur hota hai

fikr rakhte nahin hain diwane

bais-e-gham shuur hota hai

partaw-e-ruKH se un ka jeb-e-qaba

daman-e-koh-e-tur hota hai

KHub aashiq ka pas karte ho

har ghaDi dur dur hota hai

ek hi nur ka zamane mein

sau tarah se zuhur hota hai

mujh ko nahaq halal karte hai

KHun ye be-qusur hota hai

kashti-e-mai chali to ai saqi

bahr-e-gham se ubur hota hai

ai 'saba' jab bahaar aati hai

hum ko sauda zarur hota hai