بندگی ہوگی موت سے پہلے (ردیف .. ی)
بندگی ہوگی موت سے پہلے
موت کے بعد زندگی ہوگی
ہم کو جس راہ سے گزرنا ہے
کوئی مشکل وہاں کھڑی ہوگی
آئنہ بھی نظر جھکا لے گا
ہائے کیسی برہنگی ہوگی
آج کر لو جو بات کرنی ہے
آج دیوار سو رہی ہوگی
ٹوٹ جائے گا خواب آخر شب
اور حقیقت وہیں کھڑی ہوگی
دل تو اس کی سزا بھی بھگتے گا
غلطی آنکھ نے جو کی ہوگی
آج سورج نے کہہ دیا مومنؔ
تو جلے گا تو روشنی ہوگی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
