bandagi karte karte KHuda ho gaya

bandagī karte karte ḳhudā ho gayā

aadmī ko ḳhudā jaane kyā ho gayā

vo sitamgar ḳhudā-e-vafā ho gayā

tujh ko ai ġhairat-e-ishq kyā ho gayā

aa ki tārīḳh-e-dil phir murattab kareñ

fikr-e-māzī na kar jo huā ho gayā

zindagī hī mujhe chhoḌ kar chup nahīñ

ḳhud bhī hairān huuñ maiñ ye kyā ho gayā

ham bahāroñ kī minnat hī karte rahe

rang-e-gulshan huā thā havā ho gayā

chupke chupke mirā zikr hotā rahā

rafta rafta har ik āshnā ho gayā

tujh se to qurb hai tere dar par to haiñ

ham ḳhudā tak na pahuñche to kyā ho gayā

ziist thoḌī bahut kaam aane lagī

kuchh na kuchh maut kā aasrā ho gayā

kis tajassus meñ 'anjum' pareshān ho

saath kab thā jo koī judā ho gayā

bandagi karte karte KHuda ho gaya

aadmi ko KHuda jaane kya ho gaya

wo sitamgar KHuda-e-wafa ho gaya

tujh ko ai ghairat-e-ishq kya ho gaya

aa ki tariKH-e-dil phir murattab karen

fikr-e-mazi na kar jo hua ho gaya

zindagi hi mujhe chhoD kar chup nahin

KHud bhi hairan hun main ye kya ho gaya

hum bahaaron ki minnat hi karte rahe

rang-e-gulshan hua tha hawa ho gaya

chupke chupke mera zikr hota raha

rafta rafta har ek aashna ho gaya

tujh se to qurb hai tere dar par to hain

hum KHuda tak na pahunche to kya ho gaya

zist thoDi bahut kaam aane lagi

kuchh na kuchh maut ka aasra ho gaya

kis tajassus mein 'anjum' pareshan ho

sath kab tha jo koi juda ho gaya