bandish-e-be-asar bana Dala

bandish-e-be-asar banā Daalā

dar ko dīvār par banā Daalā

ik tire naam kā savāl huā

ghar ko nīlām-ghar banā Daalā

ruuh kī ḳhaak ḳhaak se bantī

ḳhaak uThā.ī bashar banā Daalā

zindagī tujh se be-vafāoñ ko

maut ne mo'tabar banā Daalā

tujh sā koī nahīñ magar ham ne

terā autār agar banā Daalā

amn vāloñ ne apnī koshish kī

teġh se pahle sar banā Daalā

phir vahī 'aib dekh kar toḌā

phir na.e chaak par banā Daalā

be-zarar log chun liye 'shāhid'

aur mohabbat-nagar banā Daalā

bandish-e-be-asar bana Dala

dar ko diwar par bana Dala

ek tere nam ka sawal hua

ghar ko nilam-ghar bana Dala

ruh ki KHak KHak se banti

KHak uThai bashar bana Dala

zindagi tujh se be-wafaon ko

maut ne mo'tabar bana Dala

tujh sa koi nahin magar hum ne

tera autar agar bana Dala

amn walon ne apni koshish ki

tegh se pahle sar bana Dala

phir wahi 'aib dekh kar toDa

phir nae chaak par bana Dala

be-zarar log chun liye 'shahid'

aur mohabbat-nagar bana Dala