bandishen toD ke aisa to nikal aaya tha

bandisheñ toḌ ke aisā to nikal aayā thā

chāñd jaise ki falak se ye phisal aayā thā

merā ye dil jise patthar bhī bahut narm lage

barf jaisā mire siine meñ pighal aayā thā

aisī vaadī se bhalā kaun palaT kar aa.e

ek bachcha hī sā thā maiñ jo nikal aayā thā

tum ko andar kī baġhāvat kā koī ilm nahīñ

jism ko piiTh pe rakkhā thā to chal paayā thā

haañ maiñ royā thā nikalte hue us roz magar

tere māthe pe bhī thoḌā sā to bal aayā thā

ek chhoTī sī guzārish mirī ab vaqt se hai

baar baar aayā kare jaise vo kal aayā thā

bandishen toD ke aisa to nikal aaya tha

chand jaise ki falak se ye phisal aaya tha

mera ye dil jise patthar bhi bahut narm lage

barf jaisa mere sine mein pighal aaya tha

aisi wadi se bhala kaun palaT kar aae

ek bachcha hi sa tha main jo nikal aaya tha

tum ko andar ki baghawat ka koi ilm nahin

jism ko piTh pe rakkha tha to chal paya tha

han main roya tha nikalte hue us roz magar

tere mathe pe bhi thoDa sa to bal aaya tha

ek chhoTi si guzarish meri ab waqt se hai

bar bar aaya kare jaise wo kal aaya tha