banduq mein goli bhi nahin sar mein hadaf bhi

bandūq meñ golī bhī nahīñ sar meñ hadaf bhī

aur baḌhtā chalā jaatā huuñ jangal kī taraf bhī

mujh se nahīñ honā hai koī mo.ajiza is baar

uTh kar chalī jaanī hai mirī āḳhirī saf bhī

ab mujh meñ samundar hai samundar meñ ḳhalā hai

motī bhī mirā le gayā mujh se vo sadaf bhī

tum ko to vafādār kahā jaatā rahā hai

hāsil hai tumheñ chhoḌ ke jaane kā sharaf bhī

aane ko to aa jā.egā jiine kā salīqa

tab tak pa chalā jā.egā jiine kā shaġhaf bhī

piñjre se ziyāda rahā uḌne kā mujhe Dar

zanjīr bhī hotā huuñ maiñ zanjīr-ba-kaf bhī

banduq mein goli bhi nahin sar mein hadaf bhi

aur baDhta chala jata hun jangal ki taraf bhi

mujh se nahin hona hai koi moajiza is bar

uTh kar chali jaani hai meri aaKHiri saf bhi

ab mujh mein samundar hai samundar mein KHala hai

moti bhi mera le gaya mujh se wo sadaf bhi

tum ko to wafadar kaha jata raha hai

hasil hai tumhein chhoD ke jaane ka sharaf bhi

aane ko to aa jaega jine ka saliqa

tab tak pa chala jaega jine ka shaghaf bhi

pinjre se ziyaada raha uDne ka mujhe Dar

zanjir bhi hota hun main zanjir-ba-kaf bhi