banjar zamin thi aur makan koi bhi na tha

banjar zamīñ thī aur makāñ koī bhī na thā

maiñ us jagah basā thā jahāñ koī bhī na thā

vahshat baras rahī thī jahān-e-ḳharāb meñ

dil ko lubhā sake vo samāñ koī bhī na thā

sab se judā huā thā maiñ jis ke yaqīn par

ho jā.egā judā vo gumāñ koī bhī na thā

taptī huī zamīn pe barsoñ chalā huuñ maiñ

lekin mire qadam kā nishāñ koī bhī na thā

hadd-e-nigāh sho.ale ugaltī rahī zamīñ

hairat kī baat hai ki dhuāñ koī bhī na thā

rāh-e-vafā meñ ḳharch huī 'shād' zindagī

pās-e-mafād pās-e-ziyāñ koī bhī na thā

banjar zamin thi aur makan koi bhi na tha

main us jagah basa tha jahan koi bhi na tha

wahshat baras rahi thi jahan-e-KHarab mein

dil ko lubha sake wo saman koi bhi na tha

sab se juda hua tha main jis ke yaqin par

ho jaega juda wo guman koi bhi na tha

tapti hui zamin pe barson chala hun main

lekin mere qadam ka nishan koi bhi na tha

hadd-e-nigah shoale ugalti rahi zamin

hairat ki baat hai ki dhuan koi bhi na tha

rah-e-wafa mein KHarch hui 'shad' zindagi

pas-e-mafad pas-e-ziyan koi bhi na tha