bar-sar-e-dard zamane ka bhi socha jae

bar-sar-e-dard zamāne kā bhī sochā jaa.e

phir nayā qarz uThāne kā bhī sochā jaa.e

sāmne chāñd hai par aur koī chāra nahīñ

chashm-e-namnāk churāne kā bhī sochā jaa.e

hiddat-e-husn-e-nazar se bhī bachā kar ḳhud ko

ishq meñ risk uThāne kā bhī sochā jaa.e

ḳhvāb se lipTī hue yaad ke saada lamho

dard ke haath na aane kā bhī sochā jaa.e

ishq to yaar adāoñ ko nigal jaatā hai

husn-e-bebāk bachāne kā bhī sochā jaa.e

cigareteñ phūñk ke kuchh jaam chaḌhā kar jānāñ

kuchh tirā hijr manāne kā bhī sochā jaa.e

bar-sar-e-dard zamane ka bhi socha jae

phir naya qarz uThane ka bhi socha jae

samne chand hai par aur koi chaara nahin

chashm-e-namnak churane ka bhi socha jae

hiddat-e-husn-e-nazar se bhi bacha kar KHud ko

ishq mein risk uThane ka bhi socha jae

KHwab se lipTi hue yaad ke sada lamho

dard ke hath na aane ka bhi socha jae

ishq to yar adaon ko nigal jata hai

husn-e-bebak bachane ka bhi socha jae

cigareten phunk ke kuchh jam chaDha kar jaanan

kuchh tera hijr manane ka bhi socha jae