bara-e-nam-o-nasab go nahin hunar mera

barā-e-nām-o-nasab go nahīñ hunar merā

banā huā hai magar marhala safar merā

mire rafīq maiñ muddat kā luT gayā hotā

ḳhudā kā shukr ki ḳhālī paḌā thā ghar merā

maiñ un se shikva karūñ bhī to kis tarah āḳhir

ki ab to un pe bhī hotā nahīñ asar merā

havā ne zor to apnā lagā liyā lekin

bujhā na paa.ī charāġh-e-fan-o-hunar merā

maiñ un ke naam kī nisbat se jaanā jaatā huuñ

yahī to ek havāla hai mo'atabar merā

vo jis ko kahtī hai 'iqrār-mustafā’ duniyā

vahī huuñ maiñ ye ta.āruf hai muḳhtasar merā

bara-e-nam-o-nasab go nahin hunar mera

bana hua hai magar marhala safar mera

mere rafiq main muddat ka luT gaya hota

KHuda ka shukr ki KHali paDa tha ghar mera

main un se shikwa karun bhi to kis tarah aaKHir

ki ab to un pe bhi hota nahin asar mera

hawa ne zor to apna laga liya lekin

bujha na pai charagh-e-fan-o-hunar mera

main un ke nam ki nisbat se jaana jata hun

yahi to ek hawala hai mo'atabar mera

wo jis ko kahti hai 'iqrar-mustafa’ duniya

wahi hun main ye taaruf hai muKHtasar mera