barae-zeb usko gauhar-o-aKHtar nahin lagta
barā.e-zeb us ko gauhar-o-aḳhtar nahīñ lagtā
vo ḳhud ik chāñd hai aur chāñd ko zevar nahīñ lagtā
ḳhudāyā yuuñ bhī ho ki us ke hāthoñ qatl ho jā.ūñ
vahī ik aisā qātil hai jo pesha-var nahīñ lagtā
agar āriz-parastī kā amal ik jurm bantā hai
sazā bhī kaaT leñge kāTne se Dar nahīñ lagtā
mohabbat tiir hai aur tiir bātin chhed detā hai
magar niyyat ġhalat ho to nishāne par nahīñ lagtā
ra.īs-e-shahr ho kar bhī vo itnā jhuk ke miltā hai
ki us ke sāmne koī bhī qad-āvar nahīñ lagtā
barae-zeb us ko gauhar-o-aKHtar nahin lagta
wo KHud ek chand hai aur chand ko zewar nahin lagta
KHudaya yun bhi ho ki us ke hathon qatl ho jaun
wahi ek aisa qatil hai jo pesha-war nahin lagta
agar aariz-parasti ka amal ek jurm banta hai
saza bhi kaT lenge kaTne se Dar nahin lagta
mohabbat tir hai aur tir baatin chhed deta hai
magar niyyat ghalat ho to nishane par nahin lagta
rais-e-shahr ho kar bhi wo itna jhuk ke milta hai
ki us ke samne koi bhi qad-awar nahin lagta
- Book : Chandi Ka waraq (Pg. 80)
- Author : Ahmad Kamal Parvazi
- Publication : Surkhwab Publication (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
