barbaadi-e-sarmaya-e-jaan dekh raha hun

barbādī-e-sarmāya-e-jāñ dekh rahā huuñ

ulfat kī navāzish kā samāñ dekh rahā huuñ

kis shoḳh ke shānoñ pe haiñ bikhre hue gesū

barham jo nizām-e-do-jahāñ dekh rahā huuñ

dekhā na jise hazrat-e-mūsā ne sar-e-tūr

maiñ us ko qarīb-e-rag-e-jāñ dekh rahā huuñ

betāb jo hai apnī jabīñ sajdoñ kī ḳhātir

jhuk kar tire qadmoñ ke nishāñ dekh rahā huuñ

allāh re jazb-o-kashish-e-ishrat-e-hastī

hasrat se sū-e-umr-e-ravāñ dekh rahā huuñ

barbaadi-e-sarmaya-e-jaan dekh raha hun

ulfat ki nawazish ka saman dekh raha hun

kis shoKH ke shanon pe hain bikhre hue gesu

barham jo nizam-e-do-jahan dekh raha hun

dekha na jise hazrat-e-musa ne sar-e-tur

main us ko qarib-e-rag-e-jaan dekh raha hun

betab jo hai apni jabin sajdon ki KHatir

jhuk kar tere qadmon ke nishan dekh raha hun

allah re jazb-o-kashish-e-ishrat-e-hasti

hasrat se su-e-umr-e-rawan dekh raha hun