barbaadiyon ka apni gila kya karenge hum

barbādiyoñ kā apnī gila kyā kareñge ham

aa.egī un kī yaad to royā kareñge ham

ham zindagī se apnī bichhaḌ kar bhī jī rahe

kyā ḳhaak ab qazā kī tamannā kareñge ham

sab kuchh unheñ diyā jo hameñ kuchh na de sake

ai hāsil-e-ḳhulūs batā kyā kareñge ham

thī jin se kuchh umīd-e-vafā vo badal ga.e

hargiz na ab kisī kī tamannā kareñge ham

yaad aa rahī hai aaj bahut un kī nāsehā

ab ibtidā-e-sāġhar-o-mīnā kareñge ham

barbaadiyon ka apni gila kya karenge hum

aaegi un ki yaad to roya karenge hum

hum zindagi se apni bichhaD kar bhi ji rahe

kya KHak ab qaza ki tamanna karenge hum

sab kuchh unhen diya jo hamein kuchh na de sake

ai hasil-e-KHulus bata kya karenge hum

thi jin se kuchh umid-e-wafa wo badal gae

hargiz na ab kisi ki tamanna karenge hum

yaad aa rahi hai aaj bahut un ki naseha

ab ibtida-e-saghar-o-mina karenge hum