bardasht kyon karega zara si bhi der dil

bardāsht kyoñ karegā zarā sī bhī der dil

pherī nazar to ro.egā muñh pher pher dil

mahsūs ye huā hai tirī aañkh ke tufail

ā.īna hai charāġh hai miTTī kā Dher dil

shāyad tirī taraf se ho āġhāz-e-dil-barī

kam-baḳht is liye bhī to kartā hai der dil

zikr-e-vafā jo aa.e to har baat par tirā

kartā hai mere dil se bahut her-pher dil

ham se mileñ to dil ko sañhālā kareñ janāb

ham log bāt-chīt se karte haiñ zer dil

dil-dāriyoñ ke daam meñ bilkul na aa.egī

hai sāmne janāb ke sach-much meñ sher-dil

bardasht kyon karega zara si bhi der dil

pheri nazar to roega munh pher pher dil

mahsus ye hua hai teri aankh ke tufail

aaina hai charagh hai miTTi ka Dher dil

shayad teri taraf se ho aaghaz-e-dil-bari

kam-baKHt is liye bhi to karta hai der dil

zikr-e-wafa jo aae to har baat par tera

karta hai mere dil se bahut her-pher dil

hum se milen to dil ko sanhaala karen janab

hum log baat-chit se karte hain zer dil

dil-dariyon ke dam mein bilkul na aaegi

hai samne janab ke sach-much mein sher-dil