barf lahjon ki pighal jae to kuchh baat karen

barf lahjoñ kī pighal jaa.e to kuchh baat kareñ

jaltī rassī se ye bal jaa.e to kuchh baat kareñ

vaqt-e-ruḳhsat ye sunā maiñ ne unhī yāroñ se

ye zarā duur nikal jaa.e to kuchh baat kareñ

achchhe mausam tirī yādeñ na.ī mausīqī se

dil kisī taur bahal jaa.e to kuchh baat kareñ

āḳhirī baar jo milne ko ga.e ham to kahā

ye zarā chaa.e ubal jaa.e to kuchh baat kareñ

tū nahīñ hai na tirī yaad kī gahrā.ī hai

dil haqīqat ye nigal jaa.e to kuchh baat kareñ

har kisī kā hai taqāza yahī ik duuje se

ye mirī soch meñ Dhal jaa.e to kuchh baat kareñ

vaqt tujh se jo mayassar ho to yāroñ se mileñ

ik ta'alluq ye sañbhal jaa.e to kuchh baat kareñ

shab meñ nazzāra-e-‘māham’ se abhī dil merā

hiddat-e-shauq se jal jaa.e to kuchh baat kareñ

barf lahjon ki pighal jae to kuchh baat karen

jalti rassi se ye bal jae to kuchh baat karen

waqt-e-ruKHsat ye suna main ne unhi yaron se

ye zara dur nikal jae to kuchh baat karen

achchhe mausam teri yaaden nai mausiqi se

dil kisi taur bahal jae to kuchh baat karen

aaKHiri bar jo milne ko gae hum to kaha

ye zara chae ubal jae to kuchh baat karen

tu nahin hai na teri yaad ki gahrai hai

dil haqiqat ye nigal jae to kuchh baat karen

har kisi ka hai taqaza yahi ek duje se

ye meri soch mein Dhal jae to kuchh baat karen

waqt tujh se jo mayassar ho to yaron se milen

ek ta'alluq ye sanbhal jae to kuchh baat karen

shab mein nazzara-e-‘maham’ se abhi dil mera

hiddat-e-shauq se jal jae to kuchh baat karen