barg Thahre na jab samar Thahre

barg Thahre na jab samar Thahre

aise mausam pe kyā nazar Thahre

ahd-e-kam-māya kī nigāhoñ meñ

kāġhzī phuul mo'atabar Thahre

jin ko da.avā thā be-karānī kā

vo samundar bhī būñd-bar Thahre

vo gayā bhī to us kī yādoñ ke

kitne mehmān mere ghar Thahre

koī apne liye bhī Thahregā

ham kisī ke liye agar Thahre

ham khare the damak uThe varna

kis meñ himmat ki aag par Thahre

maut hai justujū musāfir kī

ek lamha jo be-ḳhabar Thahre

pūchh un se hai saḳht-jānī kyā

āñdhiyoñ meñ bhī jo shajar Thahre

ḳhush ho duniyā ki ham tirī ḳhātir

bazm-e-yārāñ meñ be-hunar Thahre

jin se 'āsif' hameñ tavaqqo.a thī

rābte vo bhī muḳhtasar Thahre

barg Thahre na jab samar Thahre

aise mausam pe kya nazar Thahre

ahd-e-kam-maya ki nigahon mein

kaghzi phul mo'atabar Thahre

jin ko dawa tha be-karani ka

wo samundar bhi bund-bar Thahre

wo gaya bhi to us ki yaadon ke

kitne mehman mere ghar Thahre

koi apne liye bhi Thahrega

hum kisi ke liye agar Thahre

hum khare the damak uThe warna

kis mein himmat ki aag par Thahre

maut hai justuju musafir ki

ek lamha jo be-KHabar Thahre

puchh un se hai saKHt-jaani kya

aandhiyon mein bhi jo shajar Thahre

KHush ho duniya ki hum teri KHatir

bazm-e-yaran mein be-hunar Thahre

jin se 'asif' hamein tawaqqoa thi

rabte wo bhi muKHtasar Thahre