barsat muflison ki sada se raqib hai

barsāt muflisoñ kī sadā se raqīb hai

kachche makān girne kā mausam 'ajīb hai

ik raushnī kā shahr añdheroñ meñ kho gayā

is sehn-e-gulsitāñ kā muqaddar ġharīb hai

larzāñ hai kyoñ sadā-e-ḳhamoshī fazāoñ meñ

kyoñ shahr meñ gharoñ pe numāyāñ salīb hai

miT jā.egī vatan se jahālat kī tīrgī

vo dekh inqalāb kā sūraj qarīb hai

jis sadma-e-firāq ne luuTā hayāt ko

vo ġham mirī jarāhat-e-dil kā tabīb hai

aañsū umaD rahe haiñ kaleja hai ḳhūñ-chakāñ

shāyad ġham-e-husain kā mausam qarīb hai

barsat muflison ki sada se raqib hai

kachche makan girne ka mausam 'ajib hai

ek raushni ka shahr andheron mein kho gaya

is sehn-e-gulsitan ka muqaddar gharib hai

larzan hai kyon sada-e-KHamoshi fazaon mein

kyon shahr mein gharon pe numayan salib hai

miT jaegi watan se jahaalat ki tirgi

wo dekh inqalab ka suraj qarib hai

jis sadma-e-firaq ne luTa hayat ko

wo gham meri jarahat-e-dil ka tabib hai

aansu umaD rahe hain kaleja hai KHun-chakan

shayad gham-e-husain ka mausam qarib hai