barson hue us se na koi baat hui raat

barsoñ hue us se na koī baat huī raat

tū ne bhī na kī apnī koī jādūgarī raat

gum ho ga.ī ummīd-e-mulāqāt sahar meñ

ye tū ne mire saath ajab chaal chalī raat

vo le gayā saath apne ujāle mire dil ke

kaaTe na kaTī ham se jo thī dard-bharī raat

ashkoñ se kahā maiñ ne judā.ī kā fasāna

is par ye kahā us ne ki aa.egī na.ī raat

shikve mire aur us kā batānā ise ilzām

kuchh tai na huā aur yūñhī biit ga.ī raat

jo mere tasavvur meñ thā hañgāma-e-mahshar

us ke liye maḳhsūs huī vasl kī hī raat

is meñ hī to hai chāñd sitāroñ kā muqaddar

ik ḳhāl-e-siyah-tāb kī hai jalvagarī raat

jis raat kabhī koī mere saath rahā thā

aa jaa.e 'suhail' aaj duā hai kī vahī raat

barson hue us se na koi baat hui raat

tu ne bhi na ki apni koi jadugari raat

gum ho gai ummid-e-mulaqat sahar mein

ye tu ne mere sath ajab chaal chali raat

wo le gaya sath apne ujale mere dil ke

kaTe na kaTi hum se jo thi dard-bhari raat

ashkon se kaha main ne judai ka fasana

is par ye kaha us ne ki aaegi nai raat

shikwe mere aur us ka batana ise ilzam

kuchh tai na hua aur yunhi bit gai raat

jo mere tasawwur mein tha hangama-e-mahshar

us ke liye maKHsus hui wasl ki hi raat

is mein hi to hai chand sitaron ka muqaddar

ek KHal-e-siyah-tab ki hai jalwagari raat

jis raat kabhi koi mere sath raha tha

aa jae 'suhail' aaj dua hai ki wahi raat