bas ek bund thi auraq-e-jaan mein phail gai

bas ek buuñd thī aurāq-e-jāñ meñ phail ga.ī

zarā sī baat mirī dāstāñ meñ phail ga.ī

havā ne haath baḌhāyā hī thā ki lau merī

tamām shash-jihat-e-jism o jaañ meñ phail ga.ī

vo ḳhvāb thā ki khulā thā darīcha-e-shab-e-hijr

tire visāl kī ḳhushbū makāñ meñ phail ga.ī

jo us ke baad havā us se be-ḳhabar the sab

havā ne kuchh na kahā bādbāñ meñ phail ga.ī

khulā ki vahm thā āb-o-sarāb kī tamīz

pyāsī dhuup thī āb-e-ravāñ meñ phail ga.ī

maiñ us ke tarz-e-taḳhātub kā zahr pī to gayā

magar ajiib sī talḳhī zabāñ meñ phail ga.ī

ziyāñ-nasīb shi.ār-e-vafā sarisht meñ hai

ye baat kaise saf-e-dushmanāñ meñ phail ga.ī

bas ek bund thi auraq-e-jaan mein phail gai

zara si baat meri dastan mein phail gai

hawa ne hath baDhaya hi tha ki lau meri

tamam shash-jihat-e-jism o jaan mein phail gai

wo KHwab tha ki khula tha daricha-e-shab-e-hijr

tere visal ki KHushbu makan mein phail gai

jo us ke baad hawa us se be-KHabar the sab

hawa ne kuchh na kaha baadban mein phail gai

khula ki wahm tha aab-o-sarab ki tamiz

pyasi dhup thi aab-e-rawan mein phail gai

main us ke tarz-e-taKHatub ka zahr pi to gaya

magar ajib si talKHi zaban mein phail gai

ziyan-nasib shiar-e-wafa sarisht mein hai

ye baat kaise saf-e-dushmanan mein phail gai