بس ایک عشق والی کہانی نکال کر

بس ایک عشق والی کہانی نکال کر

بچتا ہی کیا ہے یار جوانی نکال کر

وہ بد نصیب لوگ بڑے بد نصیب لوگ

پیاسے رہے زمین سے پانی نکال کر

بیٹھے ہوئے ہیں صبح سے افسوس میں یوں ہی

تصویر کوئی اپنی پرانی نکال کر

اب لوگ لکھ رہے ہیں محبت کی داستان

ملبے سے میرے اس کی نشانی نکال کر

اک بادشاہ وقت کو ہم نے شکست دی

بس اس کی داستان سے رانی نکال کر

عرفانؔ لگ رہا ہے یہ ٹھہراؤ میں مگر

ٹھہرا کبھی ہے دریا روانی نکال کر